"Awtomobil ulag hyzmaty" açyk görnüşli paýdarlar jemgyýeti "Online taksi" we "Ynamly Taksi" mobil goşundylary arkaly hyzmat görkezmek üçin täze sürüjileri işe kabul edýändigini yglan etdi. Kärhana häzirki zaman talaplaryna laýyk enjamlaşdyrylan taksi ulaglarynda işlemäge mümkinçilik hödürleýär.

Işe kabul edilen sürüjiler sargytlary göni "Online taksi" we "Ynamly Taksi" mobil goşundylaryndan kabul edip bilerler. Şeýlelikde, müşderi gözlemek üçin goşmaça wagt sarp etmezden, golaýdaky sargytlary tiz kabul etmek we hyzmaty netijeli ýerine ýetirmek mümkinçiligi döredilýär.

Kärhananyň bellemegine görä, bu ulgam sürüjilere iş wagtyny netijeli meýilleşdirmäge, sargytlary yzygiderli ýerine ýetirmäge hem-de durnukly girdeji gazanmaga ýardam berýär. Mobil goşundylarynyň ornaşdyrylmagy ýolagçy gatnawlarynda hyzmatyň tizligini we amatlylygyny ýokarlandyrýar.

Boş iş orunlaryna dalaşgärlerden degişli iş tejribesiniň bolmagy hem-de «B» derejeli sürüjilik şahadatnamasyna eýe bolmagy talap edilýär.

Goşmaça maglumatlary we işe kabul etmegiň şertlerini anyklamak üçin dalaşgärler şu telefon belgilerine ýüz tutup bilerler: (+993 12) 44-35-22, (+993 12) 44-35-20, (+993 61) 49-34-95.