Şu gün 6-njy martda Türkmenistanyň Ministrler Kabinetiniň ýanyndaky Ulag we Kommunikasiýalar agentliginiň «Türkmenawtoulaglary» agentliginiň edara binasynyň mejlisler zalynda Halkara zenanlar güni mynasybetli hormatly Prezidentimiziň adyndan agentligiň gelin-gyzlaryna dabaraly ýagdaýda pul sowgatlary gowşuryldy. Oňa pudagyň ýolbaşçysy we hünärmenleri gatnaşdylar.

Türkmenistanyň hormatly Prezidentiniň şu ýylyň 24-nji fewralynda sanly ulgam arkaly geçiren nobatdaky mejlisiniň barşynda, ýurtda zenanlara goýulýan hormat-sarpanyň ýokarydygyny belläp, her ýylyň 8-nji martynda bellenilýän Halkara zenanlar güni mynasybetli ata Watanymyzyň ähli gelin-gyzlaryna Türkmenistanyň Prezidentiniň adyndan pul sylagyny gowşurmagy tabşyrdy. Şundan ugur alnyp, «Türkmenawtoulaglary» agentliginiň bu geçiren çäresi ýokary ruhubelentlige beslendi.