Ýakynda Türkmenistanyň Milli Geňeşiniň Halk Maslahatynyň Başlygy Gurbanguly Berdimuhamedow Koreýa Respublikasyna amala aşyran iş sapary döwründe koreý awtomobil tehnikasyny satyn alma möçberini artdyrmaga Türkmenistanyň taýýardygyny belledi. Şeýle-de:

— Awtoulag ulgamynda örän netijeli hyzmatdaşlyk alnyp barylýar. Häzire çenli Koreýa Respublikasyndan Türkmenistana 2 müňe golaý ýeňil awtoulag we ýolagçy awtobuslary iberildi — diýip, Milli Geňeşiň Halk Maslahatynyň Başlygy belledi. Mundan başga-da, saparyň çäklerinde ikitaraplaýyn bähbitli birnäçe işewür düzümler bilen duşuşyklar boldy. Şolaryň netijesinde, koreý awtoulaglarynyň uly tapgyrynyň ýakyn geljekde satyn alynmagyna garaşylýar.